ام انس
المساهمات : 22
تاريخ التسجيل : 07/06/2009
 |  موضوع: ******قصة حب وفراق******  الثلاثاء سبتمبر 01, 2009 1:09 pm | |
|
القصة تحجي عن اثنين بنيه وولد وهذه البنيه حبت هذا الولد بس الولد الله اعلم انتو احكموا بنهاية الموضوع بدأت هذه القصة أو هذا الحب عن طريق الشات والمنتديات بالاول بدأت هاي شلونك شلونج باي بعدين تطورت هذه العلاقة بأعتراف من الولد بحبه للبنيه البنية متل المخابيل كلتله احبك وهي مصدكه انو يحبها هي حبتا وفدته بروحها وعمرها وحياتها المهم بعد ما تطورت هذه العلاقه صارت تحجي وياه بالتليفون وبالايميل طلعوا يعرفون بعض بالحقيقة يمكن ما جان اكو تخطيط لهذا بس هذا الي صار بدأت العلاقة بكل ود وحب وعشق واهم شي الاحترام وهذه البنية كامت تخاف عليه وتحب خواته وعائلته كامت تنصح خواته وتخاف على عرضه وتبعد عن خواته بنات السوء وكامت تبحب عائلته وتحبه اكثر من روحها وحسبت نفسها من هذه العائلته طلب انو يشوفها هي وافقت بس كان الشرط انو يشوفها بس بالنظرات من بعيد لبعيد وعاد هو كام يكولها احبك للأبد وما ألي غنا عنج و وعدها انه ما يتركها وما يخونها وهي وعدته نفس الشي وتواعدوا على انهم يبقون يحبون بعض للأبد وحبهم يكون أقوى من كل شي راحت أيام و أجت أيام صار صديق الولد يصجم بالبنية طبعا لبنيه ما انطته اهميه قالت عادي حاله حال كل الولد ما جانت تفكر انه رح يصير شي وراهه بعد هذه الاحداث غاب الحبيب عن حبيبته بطل يدز أي شي الهه وما يتصل يعني لا حس ولا خبر اتصلت لبنية على حبيبها رد عليها كلتليه حبيبي وينك اشتقتلك ومن هيج حجي كلها جنت مشغول بالشغل واصلا أني ما جنت افتح الأيميل هو جان يكذب عليهه وهي جانت تعرف انه يكذب بس تعرفون من الواحد يحب يكوم يشوف ألي كدامه ملاك هي البنيه كلتله حبيبي أني خفت جنت افكر انك عفتني كلها حبيبتي عوفج من هذه الأفكار كلها روحي وعمري وحياتي اذا بعد تفتحين موضوع الفراق والزعل ازعل منج لانهه جانت دائما تقوله حبيبي اني ما اتحمل الفراق والبعد واذا تريد تعوفي عوفني من البدأيه وهو جان يكولهه هذه تهيئات عموما نهاية المكالمة كلها احبك 4 أيفر بعدها بأسبوع اتصلت عليه مره ثانيه وفصله ترن عليه ويفصل او يطلعلهه صديقه يكولها مموجود وكام يحجي عليها كدام الناس بالسوء طبعا وهي ألي جانت تخاف عليه وعلى عرضه بس للأسف طلع واحد ما عنده مشاعر ولا أخلاق وهو ابن بلدنا ألي ان شاء الله نرجعله سالمين ابن العراق العضيم بس بيني وبينكم هذا ما ينعد ويانه احنه العراقيين ولا لازم ينضم لعائلته لانه عائلته على الراس ناس محترمين وما عليهم حجايه يعني ناس يعرفون الاصول وهو اصلا ما ينفع يكون انسان بل هو حشره مع ذالك ولحد الان يحجي عليها للناس يصيح بالشارع ويضحك يفكر انو خلص هو ما عليه عقاب بس الله المنتقم هو الي يجيب حق البشر واول شي رح تطلع بخواته وبعرضه الي ما فكر لحطه انو ممكن يتعاقب بيهم لان الجزاء من جنس العمل والي ما يحافظ على بنات الناس او على حبيبته ا والي حبته ما رح يحافظ على خواته عموما هي هذا البنت لحد الان تنتظره وتريد تعرف الاسباب والمشكله الكبيرة بعدها تحبه وتخلصله وما تقبل لأي احد يحجي عليه بأي كلمة سوء بس نصيحتي الي كل من يحب من فتيات وأولاد او أي اواحد يلفط كلمة احبك لا ينطق بهذه الكلمة ألا اذا كان متأكيد الف بالميه لا مليار بالمية واحذروا من الخيانة وحافظوا على الحب الي بديكم لان مو كل مره رح تلكون حبيب مخلص
أتمنى من كل من قارئ هذه القصة ان يعيد حساباتة واتقوا الله بحبكم وبنعمت الحب ولا تضيعون الحب واريد اسألكم سؤال شنو رأيكم بصراحه بهذه البنت وهذا الولد رأيي الشخصي انها تنساه لانه ما يستاهل صح مع حــــــ عاشقة الأسمر ــبي
| |
|
